خلاص أوشكت ساعة الصفر وتنطلق صناديق الإقتراع لإستقبال ملايين المصريين للتصويت لمرشح لرئاسة الجمهورية :-
مش قادر اصدق اني شاهد علي اهم يوم في تاريخ مصر والعالم العربى
بفضل الله عز وجل اولا ثم بفضل ثورتنا و بفضل تضحيات شهدئنا الي واحب علينا نفتكرهم الي بدمهم وصلونا لاهم يوم في تاريخنا ده :(
انا حاسس انى فى عيد :)
مستنى الجناين (( اللجان )) تفتح عشان انزل واتفرج على الناس
واكلمهم واتفرج على مصر وهى بتتولد من جديد -:)
شعور اكثر من رائع مش قادر اوصفه
احنا اول عرب هنقدر ننتخب رئيسنا بكل ديمقراطية وشفافية
شعورى ممزوج بين فرح و قلق...
ومستبشر خير ان شاء الله...
أنا ارى عبد المنعم ابو الفتوح هو الأصلح حاليا بعد اغتيال الشيخ حازم وأنت ترى مرسى او حمدين هو الأصلح , أنت ترى وانا ارى انت تريد وأنا أريد والله يفعل ما يريد
ورجاءاً لكل مؤيدي د. محمد مرسي: خصمكم ليس د. أبو الفتوح
ورجاء لكل مؤيدي د. أبو الفتوح: خصمكم ليس د. محمد مرسي.
ورجاءاً لكل مؤيدي د. محمد مرسي وابو الفتوح خصمكم ليس حمدين
..لا تخوضوا المعركة الخطأ. خصمكم جميعا هما:
عمرو موسى وأحمد شفيق .
فى ناس ماتت و محدش هيسمع صوتها تانى,عشان إحنا بكرة ندى صوتنا,فمن استُشهِدوا فهم رجال,,يارب اللى عايشين مايطلعوش عيال..يا رب ما نطلعش عيال قُدام الشهداء .
ماذا قدم النظام السابق لكى تعيدوا انتاجه وتنتخبوا نفس افراده
بماذا ضحى اعضاءة وقياداته
بالسجن
بالمعتقلات
بالقتل
وبالحبس
حتى بالمال
بالنفس
قدموا الفساد
قدموا الرشوة
قدمواالسرقه
قدمواالبلطجه
قدموااعلى نسبه حوادث فى العالم
قدموا اعلى نسبه شلل اطفال فى العالم
قدموا اعلى نسبه سرطان فى العالم
قدموااسؤء مادة دستوريه عرفها تاريخ الدساتير فى الكون كله
.
.
قدموا الاحتكار الحديد
.
قدموا اللحمه اللى ما حدش لاقيها
.
قدموا ماء الشرب بالصرف الصحى
.
قدموا اكبر عمليه سرقه فى تاريخ العالم بسرقه اموال التاْمينات والمعاشات والمضاربه بها فى البورصات العالميه المشكله انهم خسروها
قدموا اكبر سرقه للمال العام فى مصر حصيله الخصخصه
قدموا اكبر تشكيله من رجال الاعمال التى اخذت قوض من البنوك وهربت بهاقدموا اكبر نسبه بطاله فى تاريخ مصر.
يارب اسقط الفلول من الجولة الاولى
ما لنا سوى الله عز وجل نسأله وندعوه أن يصلح احوالنا وأن يوحد كلمتنا
وصفوفنا وأن يولى علينا أمورنا خيارنا ولا يولى علينا أمورنا شرارنا وان
يرزقنا الصدق والإخلاص والهدى الى طريق الحق والى صراطه المستقيم إنه ولى
ذلك والقادر عليه , ونعوذ بالله من شرور انفسنا ومن سيئات أعمالنا , ونعوذ
بالله من الشقاق والنفاق وسوء الأخلاق .
ليست هناك تعليقات:
إرسال تعليق