درس فى رسالة - حــــــــياتك إختيارك
9 August 2013 at 03:54
"حــــــــياتك إختيارك "
رسالة النهاردة علمتنى درس كبير أوى مش هقدر أنساه
حياتك إختيارك .... لتكون ، أو لا تكون .
كل لحظة بتفرق معاك لو ضيعتها فى كسل
او إستغليتها فى هدف وتحقيق حلم .
كل شئ فى حياتك بيبقى بقرار ... قرار إنك تبقى حاجة ...
أو إنك تبقى ولا حاجة .
المهم ان فى النهاية إنت اللى هتتعب بالنتيجة اللى وصلت لها من كسلك .
او هتفرح باللى حققت بنفسك وذاتك اللى سعيت إنك تنميها .
فكر ومتقولش مستحيل ومش هقدر .
فى اقل من 24 ساعة أجتمع تيم الدعايا الخارجية وبتمويل بسيط من الادارة
قرروا انهم ينافسوا كل الاخرين فى احتفالهم بعيد الفطر .
كنت ببتسم وأقلهم هتلحقوا ، انا مش عارف بس ربنا يستر . !
الدنيا سهلة أوى بس تكون مع ربنا
وتاخد بالاسباب وتثق فى الرزق بأنه قادم منه لامحالة .. وأن رزقك لن يأخذه أحد .
وإعرف دايما " حياتك إختيارك "
بعد ما قررنا ان الحفلة تكون امام الاستاد وصلنا علم الساعة 2 فجراً ان فى مسيرة أخوانية وكان لازم حينها نأخد قرار بألغاء اليوم او بنقل المكان ، فى الوقت دة حسيت ان كل حاجة بتضيع وبتنهار وكل التعب الى شفتة فى عيون الكل بينهار فى دقائق .
بعد ما اليوم نجح نجاح مكنتش متوقعة نهائى
أتعلمت أن هناك قانون بسيط جدا .. قانون التولي والتخلي ..
إن قلت : الله ..
تولنا بالرعاية .. والحفظ .. والتأييد .. والنصر ..
سيقف الله معك
فــ في بدر:
.. " وَلَقَـدْ نَصَـرَكُـمُ اللهُ بِبَـدْرٍ وَأَنْتُـمْ أَذِلَّـةٌ " .. آل عمران : 123
.وإن قلت : أنا (بخبراتي .. بمكانتي .. بشبكة اتصالاتي .. بمالي .. بعلمي .. بعلاقاتي .. بزيد أو عبيد .. ) إن قلت : أنا .. تخلى الله عنك ..
وكيف لا .. وقد تخلى الله عن أصحاب نبيه صلى الله عليه وسلم في حنين ..!! قال تعالى:
.. " وَيَـوْمَ حُنَيْـنٍ إِذْ أَعْجَبَتْكُـمْ كَثْـرَتُكُـمْ فَلَـمْ تُغْـنِ عَنْكُـمْ شَيْئـاً وَضَـاقَـتْ عَلَيْكُـمُ الْأَرْضُ بِمَـا رَحُبَـتْ ثُـمَّ وَلَّيْتُـمْ مُـدْبِرِيـنَ (25) " .. التوبة
النهاردة برغم انى وقفت طول الكرنفال على ناصية الشارع أمنع العربيات انها توصل للمسرح
ومقدرتش استمتع باليوم الا فى أخر 5 دقائق ! ألا انى كنت
مبسوط عشان لسه بقدر أحب الناس ومش بزعل منهم برغم انى محدش فكر يقف معايا :D
مبسوط عشان ربنا بعتلى شوية نور بأنى شوفت شخص عزيز عليا سعيد يهمنى سعادة
مبسوط عشان لسه عندى أمل و مش ناوي أفرط فيه ، وأملى فى رسالة كبير .
مبسوط عشان ربنا بيسبب الأسباب فى حياتى دايما..
مبسوط عشان شوفت الفرحة فى كل عيون الاطفال بدون استثناء .
مبسوط عشان حولى أجمل ناس فى حياتى عرفتهم فى رسالة
مبسوط عشان بشوف الجمال فى كل حاجة و فى أى حد..
مبسوط عشان بصدق إن الخيال و السحر و الطيبة و النور
لسه موجودين بشوف كتير منها فى عيون كل متطوع رساله .
رســــ <3 ـــــاله
ليست هناك تعليقات:
إرسال تعليق