كونوا سعداء
26 May 2013 at 18:04
عندى سيل غزير اوووى من الافكار والكلمات الى عايز اشركها معاكم !!
فلسفة دين حياة حب خير شر ذكريات .
لدرحة انى أعد ، أكتب من ساعة ما خلصت الامتحان لغاية دلوقتى
وصلت لــ أكثر من 4 ساعات كتابة متواصلة دون أنقطاع لدرجة انا بكتب واعد انام على نفسى ،،
ربما قريباً بعد الامتحانات سأشارككم بعض منها ، بس كل الى أقدر أقولة ، مش بكتب القدر دة كلة غير لو انا سعيد ،،
كل الى أقدر أقولهولك فى لحظة زى دى اصحى بدري وحقق احلامك .. الاحلام اتعملت عشان نحققها اصلا .. حب الناس واضحك من قلبك وكل كتير والعب رياضة واقرأ كتاب واقلع الجزمة والعب كورة فى الشارع مع العيال زى زمان .
ولع شمعة وانت بتستحمى , فرصة النور بيقطع كثير اليومين دول .
دلع مراتك واختك وحبيبتك وصديقتك والست بتاعة الطماطم وعاكس ام عمرو الغلبانة .
اعمل مقالب في اصحابك واضربهم ويضربوك وهاتلهم هدية واتصل بيهم دايما . ولو واحد محتاج حاجة قوله برقبتي .. وخليك جدع ،، ايوة خليك جدع ، خلى الناس كلها تحبك ، ساعد كل الناس ، ولو معاك سندوتش وواحد قالك هات حتة اديهوله كله واديله خمسة جنيه كمان وبوس راسه دا هيدخلك الجنة .
اسمع الشيخ عبد الباسط , وصلي بالليل , وعيط وقت ما تيجي الدموع في اي حتة وقدام اي حد متتكسفش من الدموع ،، الدموع دى نعمة من ربنا على فكرة ، أصل مش كل القلوب كدة على فكرة ،، واشتري الجرايد واشرب قهوة واسمع فيروز وادخل سينما واتعلم الطبيخ .
اة اتعلم الطبيخ ،، ايوة انا بعرف اطبخ وبعرف اعمل أحسن كوبايه قهوة يشهد لها التاريخ .
اقعد على قهوة بلدي وصاحب عم صبحى وحبه من قلبك هو ومحمود و حسام .
وادخل كوستا كافية ولا كنتاكى ولا فودافون وركز مع الواد اللي بيمسح الارض ، واحمد ربك كتير اووووى .
ومتظلمش حد . ومتخدش حق غيرك . وسامحهم كلهم . ومتلومش حد على حاجة .
وقصر في المشاكل وطول في وقت السعادة .
يااارب دايما كدة أكون سعيد على طول ،، أفرحوا بـــــه
،،،،،،،، كونوا سعداء .
فلسفة دين حياة حب خير شر ذكريات .
لدرحة انى أعد ، أكتب من ساعة ما خلصت الامتحان لغاية دلوقتى
وصلت لــ أكثر من 4 ساعات كتابة متواصلة دون أنقطاع لدرجة انا بكتب واعد انام على نفسى ،،
ربما قريباً بعد الامتحانات سأشارككم بعض منها ، بس كل الى أقدر أقولة ، مش بكتب القدر دة كلة غير لو انا سعيد ،،
كل الى أقدر أقولهولك فى لحظة زى دى اصحى بدري وحقق احلامك .. الاحلام اتعملت عشان نحققها اصلا .. حب الناس واضحك من قلبك وكل كتير والعب رياضة واقرأ كتاب واقلع الجزمة والعب كورة فى الشارع مع العيال زى زمان .
ولع شمعة وانت بتستحمى , فرصة النور بيقطع كثير اليومين دول .
دلع مراتك واختك وحبيبتك وصديقتك والست بتاعة الطماطم وعاكس ام عمرو الغلبانة .
اعمل مقالب في اصحابك واضربهم ويضربوك وهاتلهم هدية واتصل بيهم دايما . ولو واحد محتاج حاجة قوله برقبتي .. وخليك جدع ،، ايوة خليك جدع ، خلى الناس كلها تحبك ، ساعد كل الناس ، ولو معاك سندوتش وواحد قالك هات حتة اديهوله كله واديله خمسة جنيه كمان وبوس راسه دا هيدخلك الجنة .
اسمع الشيخ عبد الباسط , وصلي بالليل , وعيط وقت ما تيجي الدموع في اي حتة وقدام اي حد متتكسفش من الدموع ،، الدموع دى نعمة من ربنا على فكرة ، أصل مش كل القلوب كدة على فكرة ،، واشتري الجرايد واشرب قهوة واسمع فيروز وادخل سينما واتعلم الطبيخ .
اة اتعلم الطبيخ ،، ايوة انا بعرف اطبخ وبعرف اعمل أحسن كوبايه قهوة يشهد لها التاريخ .
اقعد على قهوة بلدي وصاحب عم صبحى وحبه من قلبك هو ومحمود و حسام .
وادخل كوستا كافية ولا كنتاكى ولا فودافون وركز مع الواد اللي بيمسح الارض ، واحمد ربك كتير اووووى .
ومتظلمش حد . ومتخدش حق غيرك . وسامحهم كلهم . ومتلومش حد على حاجة .
وقصر في المشاكل وطول في وقت السعادة .
يااارب دايما كدة أكون سعيد على طول ،، أفرحوا بـــــه
،،،،،،،، كونوا سعداء .
ليست هناك تعليقات:
إرسال تعليق